Car, en premier lieu, elle est
assise en aussi bonne et riche assiette que ville du monde; estant
entoure de riches costeaux et vignobles, et de belles et hautes forets,
ayant la riviere du Doux qui passe par le millieu, et enclost pour le
plupart d'icelle, estant bien, d'ailleurs fort bien approvisionee. Les
fruicts y sont aussi bons, et y a aussi bonne commodite de venaison et de
gibier en ceste ville, qu'en autre qu'on sceut choisir. Et puis ce qu'elle
est a la cheultes des montagnes, on la tient pour le grenier commun du
comte de Bourgogne, comme jadis Sicile estait de l'Itaile. Et s'il etait
question d'estimer la vertu d'un peuple, qui s'est longtemps maintenu
libre sans ployer la gantelet, ni rien perdu de sa reputation, on peut,
a bon droit, faire cas de ceste cite. Et certes de tout temps ceste brave
cite a este enviee des tyrans, pour en usurper la domination. Et il n'y a
ni eu ni menaces, ni allechement qui ayent sceu esbranler les nobles et
libres coeurs besanconnais, pour quicter aucune chose de leurs libertez,
quelques couleurs de grandeur et de richesses qu'on leur ayt mis audevant
pour se laisser annexer au comte de Bourgogne, et avoir un parlement, et
se mettre auxpieds ce qu'il ont aux mains.
Pages:
135
136
137
138
139
140
141
142
143
144
145
146
147
148
149
150
151
152
153
154
155
156
157
158
159