"There was naebody to blame, Rob--naebody but mysel'! I should hae kent
better. But I never thocht it wad hae turned oot as it has done. I hae
been gey ill, an' I maun say that Peter has been awful guid to me. He's
done his best to get me better, so that he can marry me afore it
happens. I lay for nearly six months, an' I wasna carin' whether I died
or no'! I was fair heartbroken, an' didna mind what happened. This is
the first day I hae been oot. He cam' this mornin' frae his lodgings tae
ask me tae gang oot a wee while in the sunshine, seein' that it was sic
a guid day, and Mrs. Ramsay brocht me oot here, and warned me to sit
till she cam' back. When I saw you comin' I got up to run awa', but I
dinna ken whaur to run to; for this big toon is a' strange to me, an'
I'm feart."
"Oh, if I had only kent! You maun keep yoursel' as free frae worry as
possible, an' try an' get better," he went on, trying to speak as
lightly as possible. "Keep up your spirits, an' you'll maybe soon be a'
better."
"Aye, Rob," she said, "but it's no' easy. An' I hae been gettin' waur
instead o' better. I ken mysel' that I'm no' improvin', an' I often
think it wad hae been better if I had died.
Pages:
315
316
317
318
319
320
321
322
323
324
325
326
327
328
329
330
331
332
333
334
335
336
337
338
339