I ken
Walker hated him, an' I'm inclined to think that he has deliberately
put Geordie into this place, kennin' that the lower seam had been
worked out lang, lang syne. His plans wad tell him as muckle about the
workin's, and I ken, at least, he's never been in Geordie's place since
it was started, an' there's nae ither places drivin' up sae far as this.
They're a' stoppit afore they come this length; an' forby, frae what
Rundell has let drap the day, he never kent that the coal was being
worked as far up as this. By ----! Peter, gin I could prove what I
suspect, I'd murder the dirty brute this nicht! I would that!"
"Would Nellie no' ken, think ye, what it was that Geordie had against
Black Jock that kept him sae quiet?" enquired Peter.
"I couldna' say," answered Andrew, "but some day when I get the chance
I'll maybe ask her, an' if it is as I think, then there'll be rows."
"Let me ken, Andrew," broke in Matthew. "Let me ken if ever ye discover
onything; an' ye can count on me sharin' the penalties o' hell alang wi'
ye for the murder o' the big black brute."
"I heard," said Peter, "that he was boozin' wi' Mag Robertson and Sanny.
But we'll no' be long in kennin', for ill-doin' canna hide.
Pages:
130
131
132
133
134
135
136
137
138
139
140
141
142
143
144
145
146
147
148
149
150
151
152
153
154